ILOILO CITY-Indi magnubo sa 40 ka mga mamalidha gikan sa House of Representatives ang magahampang sa Philippine Olympic Committee Golf Cup II, nga nagatuyo nga ma-boost ang National Athletes’ Trust Fund.
Ang event nga gin-organize sang Philippine Olympic Committee (POC) ang patigayunon sa Valley Golf and Country Club sa Cainta, Rizal subong nga adlaw.
Ang ginalauman nga maga- compete sa Golf Cup amo sanday Leyte, 4th District Reps Richard Gomez , Isabela, 5th District Rep. Faustino Michael Carlos Dy, kag Cavite 8th District Rep. Aniela Tolentino.
Nahibaluan nga ang una nga Golf Cup ang ginpatigayon sang Nobyembre 27 sa Luisita Golf and Country sa Tarlac.
Suno kay Philippine Olympic Committee President Abraham “Bambol” Tolentino, ang trust fund maga- provide sang incentives kag bonuses sa mga atleta nga makakuha sang medalya sa Paris Olympics sa Hulyo kag Agusto.
Nahibaluan nga anom na ka Filipino athletes ang naka-secure sang ila spots sa 2024 Summer Games sa Paris nga amo sanday Nesthy Petecio, Aira Villegas kag Eumir Marcial sa boxing.
Amo man ang pole vaulter nga si EJ Obiena, kag gymnasts nga sanday Carlos Yulo kag Aleah Finnegan.
