Excited na ang Philippine Red Cross Iloilo para sa Dugong Bombo 2024 sa Nobyembre 16,2024 sa Iloilo Science and Technology University, La Paz, Iloilo City.
Sa interview sang Bombo Radyo kay Leanne Jurisprudencia, Donor Recruitment Officer sang Philippine Red Cross Iloilo, iya ginpahayag nga tion na naman nga magakilitaay ang ginakabig nga mga baganihan nga amo ang volunteer blood donors.
Suno kay Jurisprudencia, agud mangin successful blood donor, kinahanglan nga malab-ot ang masunod nga mga requirements:18 tubtob 60 anyos apang kun 16 tubtob 17 palang, kinahanglan nga may consent halin sa ginikanan; wala nakainom ang ilimnon nga mga alcohol sa sulod sang 24 hours antes ang donation; nakatulog sang indi magnubo sa anom ka oras antes ang donation; nakakaon antes ang donation kag yara sa maayo nga kondisyon ang ikaayong lawas.
