Madasig nga gin-respondehan sang Philippine Red Cross Iloilo Chapter ang isa ka indibidwal nga nagka-epileptic seizure samtang ini ang nagabisita sa iya himata sa patyo sa Molo Public Cemetery.
Sa interview sang Bombo Radyo kay Quisha Montalban, reporting officer sang Philippine Red Cross Iloilo Chapter, iya ginpahayag nga ginhulat anay nila nga matapos ang epileptic episode sang pasyente antes nga ginkuhaan sang mga vital signs.
Suno kay Montalban, ginpapahuway na lang anay nila ang pasyente bangud normal lamang ini nga hitabo sa mga nagasuprer sang Epilepsy.
Ginkuha man sang medical team ang identification sang pasyente agud nga ma-record.
Ginpahayag man sini nga magapauli na kontani ang pasyente matapos nga nagdu-aw sa iya himata.
Nahibaluan nga wala naka-inom sang bulong ang pasyente rason nga na-trigger ang balatian sini.
