Excited ang Philippine Retailers Association (PRA) sa ginatawag nga ‘ber’ months nga magasugod sa masunod nga semana nga unofficial nga nagasenyas sang pagsugod sang Christmas season sa pungsod.
Ang ‘Ber’ nagapatuhoy sa mga bulan nga nagatapos sa ‘ber’ halin September tubtob Dismember. Ang mga manugbaligya nagsiling nga ini ang quarter nga ang mga benta masami nga nagasugod sa pagtaas.
Suno kay Philippine Retailers Association Chairwoman Rosemarie Ong, nga amo man ang Chief Operating Officer sang Wilcon Depot, maayo para sa mga retailers ang holiday season.
Ginalauman man niya nga maganubo ang inflation kag interest rates sa masunod nga mga binulan nga makaganyat sa mga konsumidor nga maggasto sang dugang.
Si Sam Gregory Lim, nga amo man ang Chief Operating Officer sang Blims Lifestyle Group, nagsiling nga ang mga Pilipino magabakal gihapon sang mga butang pareho sang mga regalo sa masunod nga bulan. Dugang pa niya nga ang mga retailers ang pirme excited para sa sini nga ber period, kag handa para sa mga promosyon kag mga events.
Ginpahayag man ni Lim nga ang tanan nagahulat kay Jose Mari Chan nga magguwa sa ad sang isa ka tawo, kon sa diin, nagatanyag sang mga promo kag bag-o nga mga produkto.
