ILOILO CITY – Gin-appoint bilang bag-o nga commissioner sang Philippine Sports Commission si Philippine Sports Hall of Famer Olivia “Bong” Coo.
Ang bowling world champion ang ginhingadlan bilang pinakabag-o nga myembro sang nagligad nga Byernes.
Sang nagligad nga bulan, gin-eleher si Coo bilang presidente sang Philippine Bowling Federation board nga amo ang anay secretary general.
Si Coo ang labing una nga babaye nga pinuno sang PBF.
Ginbuslan niya si architect Steve Robles nga wala na-eleher sa PBF board.
Ang myembro sang board ang nagpatigayon sang election sa bag-o nga set sang officials nga maga-serbe sang tatlo ka tuig base sa constitution and by-laws sang PBF.
Ang bag-o nga commissioner amo ang pinakauna nga Filipino athlete nga nakakuha sang Guinness Book of World records sang makaduha ka bes.
Siya ang nagdaog sang walo ka gold medals sa Southeast Asian Games, 14 gold sa Asian Championships kag lima ka top podium finishes sa Asian Games.
