ILOILO CITY – Gingrupo ang Philippine women’s football team sa mga football powerhouses sa 2022 ASEAN Football Federation (AFF) Women’s Championship.
Makaupod sang Filipinas ang 4-time champion nga Thailand, Indonesia, Singapore, Australia kag Malaysia sa Group A.
Makontra sang defending champion nga Vietnam ang Myanmar Timor-Leste, Cambodia kag Laos sa Group B.
Ang official draw ang ginpatigayon diri sa pungsod Pilipinas.
Ang AFF matches ang patigayunon sa Biñan Football Stadium sa Biñan City kag Imus City Grandstand sa Imus, Cavite.
Ang amo nga championship game ang magaserbe nga preparasyon sang Pilipinas sa historic nga pagpasakop sa 2023 FIFA Women’s World Cup debut.
Sang damlag lang, ang Pilipinas ang nakakuha sang bronze medal sa 31st Southeast Asian Games pagkatapos sang pila ka dekada.
