ILOILO CITY-–Nakahanda na ang implementation plan kag deployment plan sang Philippine Coast Guard Station (PCG) Iloilo para sa semana santa.
Sa interview sang Bombo Radyo kay Lt. Commander Rodolfo Dela Peña, commaner sang PCG Iloilo, iya ginpahayag nga nakahanda na sa deployment ang ila mga floating assets kag personnels para sa kwaresma.
Suno kay Dela Peña magapahamtang sila sang mga passenger assistance center agud man makahatag sang bulig sa mga pasahero.
Nagpatigayun naman sila suno kay Dela Peña sang vessel safety inspection sa mga motor banca, roro, fastcraft kag iban pa nga mga water crafts.
Pahayag pa niya nga ila man igadeploy ang tatlo ka mga alluminum boats, rubber boats, patrol crafts kag naka stand by naman ang search and rescue vessel.
Hugot naman nga pagabantayan kag indi pagpahanugutan sang PCG ang overloading sa mga sakayan pandagat.
Ginalauman man ang pagdamo sang pasahero partikular na sa pagpatigayun sang taltal sa Guimas.
Dugang pa sang natungdan nga naghingyo sa Maritime Industry Authority (MARINA) nga magpasaka sang pletehan rason nga may pagbag-o nga fare rates bangud one way lang ang pagpick up sang pasahero.
