Ginklaro sang Philippine Institute of Volcanology and Seismology (Phivolcs) nga wala ginpanubo kag wala man ginpasaka ang status sang Bulkan Kanlaon sa Negros Island.
Suno sa ahensya, nagapabilin ini gihapon sa Alert Level 2 nga buot silingon wala pa ini nagakalma, may yara gihapon sang increasing unrest, posible matabo ang magmatic eruption, kag ang iban nga mga areas nga sulod sa singko kilometros halin sa bulkan ang mahimo malakip sa danger zone.
“This is to remind the general public that the DOST-PHIVOLCS has NOT raised the alert status of Kanlaon Volcano in Negros Island,” sandig sa nakabutang sa latest statement.
Sa latest bulletin sang ahensya, ginpahayag nga naka-rekord na ini sang 27 ka volcanic earthquakes halin sang kagab-ihon sang Myerkules tubtub kagab-i, Hunyo 6.
Naka-release man ang bulkan sang 3,464 tons sang sulfur dioxide kag 1,500 nga kataason sang aso nga nagkadto sa naaminhan-nakatundan, nabagatnan-nakatundan, kag nabagatanan-nakatundan nga bahin sang sini nga bulkan.
Indi gihapon pwede ang pagsulod sa four-kilometer permanent danger zone kag indi man pwede maglabay ang aircraft malapit sa bulkan. Naglawig sang sais minutos ang paglupok kag ginsundan sang volcanic-tectonic earthquake.
