Nagpaandam ang state volcanologists matapos may nakit-an nga liwat nga pagsaka sa seismic activity sa Bulkan Kanlaon sa Negros Island kagab-i tatlo ka bulan matapos naglupok ini sang Hunyo.
Sa advisory nga ginpaguwa 11:30 kagab-i, ginsiling sang PHIVOLCS nga ang Alert Level 2 ukon state of increasing unrest amo gihapon ang status sang Kanlaon, apang ang seismic activity sini ang posible magresulta sa eruptive unrest kag pagpasaka sang alert level.
25 ka volcano-tectonic earthquakes ang na-rekord sang Kanlaon Volcano Network halin 8:32 sa aga kun sa diin na-monitor ang katapusan nga 22 umpisa 10:35 PM kagab-i.
Matandaan nga sang naglupok ang bulkan sang Hunyo 3, naglawig ini sang anum ka minutos. Tubtub subong ginasirado ang four-kilometer permanent danger zone sa bulkan kag wala man ginatugutan ang paglabay sang aircraft malapit sa lugar.
