ILOILO CITY – Gin-athag sang militar nga wala sang presensiya sang Maute group sa Western Visayas.
Kasunod ini sang naglapta nga mga impormasyon nga nakasulod na ang rebelde nga grupo sa Iloilo nga naghatag sang kakugmat sa mga pumuluyo.
Ginpahayag sa Bombo Radyo ni Lt. Col. Vener Morga, commanding officer sang 82nd Infantry Battalion sang Philippine Army, padayon ang ila monitoring agud indi makasulod sa Visayas ang nasambit nga grupo.
Suno kay Morga, gusto lang mamahog kag maghatag sang kakugmat sang mga nagapalapta sang wala basehan nga impormasyon.
Suno kay Morga, sang nagligad nga adlaw lang nagsapol ang intelligence operatives sang PNP, Armed Forces of the Philippines kag iban pa nga counterparts may kaangtanan sa amu nga impormasyon.
Apela naman sang militar sa publiko nga mangin vigilant.