MANILA-Nagalaum ang Phoenix Fuelmaster Forward nga si Calvin Abueva nga makabalik ini sa paghampang sa tion nga matapos niya ang ginapahimo sang PBA sa iya.
Suno kay Abueva, may yara lang sang pila ka bagay nga ginapa-obra ang PBA board, agud mabawi ang suspensyon batok sa iya.
Pila sa mga natapos na niya himuon suno sa PBA player, amo ang pagpangayo sang pasaylo sa board kag sa mga PBA Fans.
Gindoble man sini ang ginapahimo sa iya nga community service, bangud oportunidad na niya ini nga makabulig sa iban pa nga tawo.
Nagpaidalom man siya suno kay Abueva sa drug test, kag may nabilin pa ini nga duha ka sesyon sa iya psychologist.
Madumduman nga gindagdagan sang indefinite suspension si Abueva, matapos sang ginhimo nga pagpanakit sini sa import nga si Terrence Jones, kag ginapahayag pagpangbastos sini sa kahagugma sang TNT KaTropa player Ray Parks.
