Sulod na sa semifinals ang Phoenix Super LPG Fuel Masters matapos ginlutos ang Magnolia Hotshots sa score nga 89-88 sa nagapadayon nga Philippine Basketball Association Philippine Cup.
Nakahimo sang 3 ka puntos si Matthew Wright sa ulihi nga 9.8 seconds sang fourth quarter rason nga nakuha nila ang kadalag-an agud makasulod sa semifinals.
Ginpangunahan man ni Wright ang Phoenix nga nakakuha sang 32 ka puntos lakip na ang lima ka three points, samtang nag-amot naman sang 16 points si Jason Perkins.
Ang sunod nga makasumpong sang Phoenix amo ang TNT Tropang Giga sa best-of-five semifinals nga patigayunon sa Miyerkules sa Smart Clark Giga City bubble.
