Nagtaliwan ang tabloid photojournalist nga si Itoh Son samtang naga-cover sa Traslacion subong nga Byernes, Enero 9.
Sa inisyal nga reports, nagsuprer ini sang heart attack kaina sang aga Quirino Grandstand.
Ginapahayag nga antes ang iya kamatayon, pila ka adlaw na nga na-trangkaso si Son kadungan sang pre-Traslacion events lakip na sa tradisyunal nga Pahalik.
Suno pa sa Manila Police District (MPD), nagbisita ang photojournalist sa MPD Station 5 sang 3 a.m. para kuhaan kuntani sang laragway ang sitwasyon sa Quirino Grandstand, apang gulpi lang ini nga natumba.
Nagpalab-ot naman ang Presidential Task Force on Media Security sang pagpakig-unong sa pamilya kag mga abyan sang photojournalist.
Wala naman ginakonsiderar ni Nazareno 2026 Spokesperson Fr. Robert Arellano nga isa ka casualty sa Traslacion 2026 ang pagtaliwan ni Son.
Suno sa iya, indi Traslacion ang rason sang pagtaliwan sang nasambit nga indibidwal bangud may ginabatyag na ini antes pa man magpartisipar ukon mag-cover sang religious event.
Nagpahayag man si Fr. Arellano nga nagapakig-unong ang bilog nga simbahan sang Quiapo sa pamilya sang nagtaliwan nga media personnel.
