Ginpanugyanan ni Miss Universe 2015 Pia Wurtzbach ang Ilongga beauty queen nga si Rabiya Mateo nga ihibi lang ang iya ginabatyag matapos ang nangin Miss Universe journey sini.
Suno kay Pia, ginkamusta niya si Rabiya kag ginpabatyag nga wala ini naga-isahanon.
Gin-abisohan man niya ang Miss Universe semi-finalist nga madamo sang oportunidad ang nagahulat sa iya nga pagpauli sa Pilipinas.
Sa pihak sang kapaslawan nga makuha ang ika-lima nga Miss Universe crown para sa pungsod, ginpahayag naman ni Rabiya nga ginhimo niya ang tanan nga masarangan kag excited na ini para sa panibag-o nga chapter sang iya nga kabuhi.
Antes magpauli sa Pilipinas, yara subong naga-enjoy ang Ilongga beauty queen sa paglibot sa Estados Unidos.
