ILOILO CITY- Nahulog kag nagkaya sa kilid sang taytay ang isa ka pick-up truck sa Caingin, La Paz, Iloilo City.
Sa interview sang Bombo Radyo kay P/Staff Sergeant Dennis Yee, imbestigador sang La Paz Police Station, iya ginpahayag nga apat ang unod sang pick-up nga ginalakipan sang driver kag tatlo ka sakay sini.
Suno kay Yee, padulong sa Arevalo kag nag-agi sa La Paz ang salakyan.
Ginapahayag nga nag-overtake ang salakyan kag nadulaan sang kontrol ang driver nga ginaalegar yara sa impluwensiya sang makahulubog nga ilimnon.
Samtang, ginpahayag naman ni Yee nga wala sila sang breath analyzer agud matumod kun nakainom ang driver sang salakyan nga importante kuntani sang elemento sang imbestigasyon.
