ILOILO – Ginakadlaw na lang sang sidewalk vendors nga ginhalin sa Cacho Property ang problema nila sa palangabuhi-an.
Sa interview sang Bombo Radyo kay Rujedic Dela Cruz, isa sa mga sidewalk vcendor, iya ginpahayag nga nabudlayan siya sa ila sitwasyon subong bangud pigado sa gihapon ang baligyaanay apisar pila na ka adlaw ang naglipas matapos sila naghalin sa Cacho property.
Suno kay Dela Cruz, isa man ka problema amo ang masami nga pag-ulan nga nagaresulta sang pagbaha sa ila ginhalinan nga lugar rason nga indi sila makapahamtang sang ila mga baligya.
Dugang sang natungdan, nagalaom siya nga mabalik sa kinaandan ang ila palangabuhi-an.
