ILOILO CITY – Ginpakansela ni Iloilo City Mayor Jerry Treñas ang pagpatigayon sang moving-up activities sang daycare bangud sa Coronavirus Disease 2019 (COVID-19).
Santo sa mensahe nga ginpadala ni Treñas, ang tanan nga certificate sang daycare ang igahatag na lang sang manunudlo direkta sa ginikanan.
May kaangtanan diri, iya na nga ginpahibalo si Dr. Roland Fortuna, focal person for Coronavirus Disease 2019, tuhoy sa patigayunon nga cleaning procedures kag medical protocols sa mga pampubliko nga lugar sa syudad sang Iloilo.
Magluwas sa moving-up activities, ginpakansela man sang alkalde ang Paraw Regatta Festival kag ang Iloilo Summer Arts Festival sa baylo, sa Oktubre na lang patigayunon ang nasambit nga mga aktibidad.
Ang nasambit nga desisyon suno sa natungdan ang para sa kaayuhan sang kadam-an.
