ILOILO CITY – May patigayunon nga scheduled power interruption sa pila ka bahin sang Iloilo City sa Sabado kag Domingo, Hulyo 15 kag 16, 2023.
Sa interview sang Bombo Radyo kay Ms. Joy Fantilaga, spokesperson sang MORE Electric and Power Corporation, iya ginpahayag nga may patigayunon nga relocation kag replacement sang primary nga poste kag linya nga apektado sang road widening sang Department of Public Works and Highways.
Suno pa kay Fantilaga, may yara man sang iban pa nga maintenance activities nga himuon.
Yari ang mga apektado nga mga barangay:
*Sabado, Hulyo 15 humalin las-singko sa aga tubtob la-una sa hapon
porsyon sang Quintin Salas, Jaro; Balabago, Jaro; kag Cubay, Jaro
*Domingo, Hulyo 16 humalin las-singko sa aga tubtob las-dose sa udto
bilog nga Sinikway, Lapuz; porsyon sang Jalandoni Estate, Lapuz; Don Esteban, Lapuz; kag Alalasan, Lapuz
*Domingo, Hulyo 16 humalin las-singko sa aga tubtob la-una sa hapon
bilog nga Hibao-an Norte, Mandurriao; porsyon sang Guzman Jesena, Mandurriao; Pale Benedicto, Mandurriao; Hibao-an Sur, Mandurriao; Calajunan, Mandurriao; kag Oñate De Leon, Mandurriao.
