ILOILO CITY – Na-eskperyensyahan ang pagbaha sa pila ka bahin sang syudad sang Iloilo kasunod sang pagbubo sang mamunog nga ulan kaina sang kasisidmon, Hunyo 9.
Ginabanta nga masobra sa isa ka oras nga nagbubo ang mabaskog nga ulan kun sa diin madamo nga pasahero ang na-stranded.
May pila ka dalanon sa palibot sang City Proper nga indi maagyan matapos nga naglab-ot sa buko-buko sang tiil ang tubig-baha.
Paghupa sang ulan, amat-amat naman nga nakasakay sa salakyan ang mga na-stranded nga pasahero apang ang iban naman ang may yara sang diskarte agud nga makapuli gilayon.
Suno sa pasahero nga nagpahinago lang sang pangalan, nagamantinir na lang siya sa pagsakay sa biskelta agud nga indi na magpanigal-ot sa pagsakay sa depampasahero nga jeep.
Apisar nga nagabubo pa ang ulan, mas ginpili niya niya nga mag-amat-amat sa pagpauli sakay sa bisekleta agud nga indi magab-ihan sa pagpauli sa Brgy. La Granja sa distrito sang La Paz.
