SOUTH KOREA – Nagpalab-ot sang bulig pinansyal ang mga kilala nga personalidad sa South Korea bangud sa padayon nga pagsaka sang kaso sang Coronavirus Disease 2019 (COVID)-19 sa Daegu City kag iban pa nga bahin sang nasambit nga pungsod.
Lakip sa mga personalidad nga nagpalab-ot sang bulig amo ang mga celebrities nga sanday Hyun bin, Son Ye Jin, Park Seo Jun, award winning director nga si Bang Joon ho, Song Kang Ho, miyembro sang idol group nga BTS nga si Suga kag madamo pa.
Suno sa Korea Centers for Disease Control and Prevention, may yara na sang 2,337 nga positibo nga kaso sang COVID-19 sa South Korea sa diin 13 na ang napatay.
