Gindayaw sang pila ka coach sang Team Iloilo ang pasilidad sang Antique bangud sa katinlo kag katawhay sa pagdumala sang Western Visayas Regional Athletic Association (WVRAA) Meet 2025.
Sa interview sang Bombo Radyo kay Coach Japeth Buenalatrona, sang Football Secondary Boys -Iloilo, iya ginpahayag nga daw sila lang natak-an nga magkaon sa tagsa ka serbe sang mga kalan-on.
Suno kay Buenalatrona, may mga venues lang nga medyo malayo para sa mga atleta apang provided man ang transportasyon.
Sa pihak sini, ginakalipay niya nga wala sang traffic sa lugar kon sa diin, madasig sila makaabot sa playing venue.
Kaangot diri, nakuha sang Iloilo ang duha ka gold medal sa Track and field sa nagapadayon nga Western Visayas Regional Athletic Association (WVRAA) Meet 2025.
Ang una nga medal ang nakuha ni Welmer Jeck Labrador sa 5,000 meter run sa Secondary boys.
Si Labrador ang tumandok sang Dumangas, Iloilo.
Samtang ang ikaduha naman nga gold medal ang nakuha ni Robbie Aguilar sang Dingle, Iloilo nga may record 6.74 m sa Long Jump sa Secondary boys.
Si Aguilar ang tumandok sang Dingle, Iloilo
