Apektado ang pila ka mga residente sang Barangay Calaparan, Arevalo, Iloilo City sa dala nga malain nga tyempo.
Ini kasunod man sang dala nga “trough” kag “habagat” ni Bagyong Ferdie nga nagaapekto sa pila ka bahin sa Visayas.
Sa interview sang Bombo Radyo kay Punong Barangay Renante Tubola sang Calaparan, Arevalo, iya ginpahayag nga ang iban nga mga sakayan sa ila lugar ang ginpanghigtan agud nga indi madala sang balod kag mabaskog nga hangin.
Suno kay Tubola, bukas ang barangay hall agud nga mangin evacuation center sang mga residente.
Ginpahayag man sini nga bukas man ang pila ka eskwelahan nga malapit sa lugar agud nga temporaryo nga matulogan kon hinali nga maglala ang dalagan sang tyempo.
Gintumod man sang natungdan nga gin-alerto naman sini ang tanan nga mga barangay tanod sa ila agud nga magbantay.
