ILOILO CITY – Indi maagyan ang pila ka mga dalanon sa palibot sang syudad sang Iloilo matapos ang mamunog nga ulan kahapon sang hapon, Hunyo 11.
Ang tubig-baha sa iban nga dalanon ang naglab-ot sa tuhod bangud sa barado nga drainage system.
Bangud sini, madamo nga mga pasahero ang na-stranded ilabi na sa mga terminal kag naga-agaway nga makasakay sa depampasahero nga salakyan agud nga makapauli.
Ang iban sa mga pasahero ang mansig diskarte na lang agud nga makapauli gilayon.
Pila ka oras ang nakaligad, nagtahaw ang ulan kag amat-amat naman nga naghubas ang tubig-baha.
