ILOILO CITY – Nakalab-ot na sa siyudad sang Iloilo ang pila ka mga estudyante nagikan sa Marawi sa tunga sang kinagamo karon sa nasambit nga pungsod.
Ginpahayag sa Bombo Radyo Iloilo ni Mario Mediavilla, principal sang La Paz 1 Elementary School, tatlo ka mga kabataan nagikan sa Marawi ang naka-enroll sa ila subong.
Apisar nga wala sang nagakaigo nga dokumento, ginpahayag ni Mediavilla nga ila ginbaton ang mga estudyante.
Nahibaluan nga nagatudlo sang Islamic values kag Arabic language ang nasambit nga buluthuan.
Suno kay Mediavilla, duha ka adlaw ang ginbiyahe sang mga kabataan para makahalin sa Marawi kag makaabot diri sa Iloilo.