Nanawagan ang pila ka grupo sang mga manunudlo sa Department of Eucation nga irekonsiderar ang ila desisyon nga sugudan ang school year sa Agosto 24.
Suno sa pahayag ni Benjo Basas, chairperson sang Teacher’s Dignity Coalition, mas dako ang krisis nga posible pangatubangon sang pungsod sa tion nga patigayunon ang klase sa nasambit nga petsa bangud posible nga maglab-ot pa tubtob sa Agosto ang problema sang pungsod sa Coronavirus Disease 2019 (COVID-19).
Madumduman nga una na nga ginpahayag sang Department of Education nga apisar magasugod na ang klase sa Agosto, indi obligado ang mga estudyante nga magpadulong sa eskwelahan bangud magapatuman sila sang nagkalain-lain nga delivery modes bilang alternatibo sa pisikal nga klase.
