ILOILO CITY – Plano sang pila ka Muslim lawyers nga kuwestyunon sa Supreme Court ang Martial Law nga gindeklarar ni Presidente Rodrigo Duterte sa Mindanao.
Sa interview sang Bombo Radyo kay Atty. David BErmudo, regional director sang Commission on Human Rights Region 6 kag governor for Western Visayas- Vanguard of the Philippines Constitution Inc., personal niya nga naistorya ang mga kakilala nga abogado sa Mindanao kag magapasaka ang mga ini sang petisyon sa Korte Suprema agud mangin moot and academic ang gindeklarar nga Martial Law sa rehiyon.
Suno kay Bermudo, indi tanan nga lugar sa Mindanao ang apektado sang kinagamo kaangay sang nagakatabo sa Marawi gani wala sang ason nga ipaidalom ang bug-os nga rehiyon sa Batas Militar.
Ginpahayag sang abogado nga isa sa mga basehan sa pagdeklara sang Martial Law ang rebellion apang wala ini nagakatabo sa bilog nga Mindanao.
Indi man madula suno kay Atty. Bermudo ang kahangawa sang mga residente sa lugar nga posible malapas ang ila tawhanon nga kinamatarong bangud suspendido ang writ of habeas corpus.
Dugang pa sini, dako ang papel sang media kun sa diin, dapat maipahibalo sa publiko ang nagakatabo sa Martial Law agud indi ini maabusaran sang militar.