ILOILO CITY – Nabawi na sang militar ang pila ka installations sa Marawi City nagikan sa rebelde nga Maute rebels.
Sa interview sang Bombo Radyo Iloilo kay Lt. Col. Ray Tiongson, spokesperson sang Philippine Army, ginpahayag sini nga ila na nabawi ang Amai Pakpak Medical Center nga una gin-occupy sang Maute group.
Na-rescue sang militar ang 42 ka mga manunudlo nga na-trap sa Dansalan College Foundation Inc. (DCFI) nga ginsunog sang mga rebelde kag karon kontrolado na ang nasambit nga kolehiyo.
Padayon suno kay Tiongson ang hot pursuit operation sang militar batok sa mga rebelde.
Nagabulig man ang militar sa padayon nga exodus subong sang mga residente sang Marawi pakadto sa Iligan City.
Suno kay Tiongson, ginapasiguro sang militar nga wala sang rebelde nga maka-infiltrate sa mga residente nga naga-evacuate.