ILOILO – Nagpasa na ang pila ka mga local government units sa probinsya sang Iloilo sang mga rekomendasyon para sa patigayunon nga face to face classes sa tuig 2021.
Sa interview sang Bombo Radyo kay Leonil Salvilla, spokesperson sang Department Of Education Iloilo Schools Division, iya ginpahayag nga voluntary ang face to face classes sa mga kabataan kag kinahanglan nga may written consent halin sa mga ginikanan.
Suno kay Salvilla, ang mga lugar ukon eskwelahan nga magapatigayon sang face to face classes amo ang may yara sang low risk sang COVID-19 cases.
Pahayag sang natungdan nga siguraduhon man ang shared responsibility sang Department of Education, mga local government units kag sang ginikanan para sa safety sang mga kabataan.
Dugang pa sang natungdan nga may mga ipatuman man nga minimum health standards para sa mga ma-aprubahan nga eskwelahan nga mangin kabahin sang pilot implementation sang face to face classes sa masunod nga tuig.
