Nakabatak na sa Signal number 2 ang pila ka mga lugar sa Eastern Samar bangud sa bagyo Tino.
Suno sa Philippine Atmospheric, Geophysical and Astronomical Services Administration (PAGASA), Nakita ang sentro sang bagyo sa may 605 kilometers sang Sidlangan nga bahin sang Guiuan, Eastern Samar.
Ini may dala nga hangid nga nagadangat sa 100 kilometers per hour kag pagmadlos sang 125km/h.
Ang mga lugar nga yara sa signal number 2 ang ginalakipan sang Guiuan, Salcedo kag Mercedes sa Eastern Samar.
Nakabatak naman sa signal number 1 ang mga lugar sang Barcelona, Bulusan, Magallanes, Gubat, Santa Magdalena, Casiguran, Juban, Bulan, Irosin, Matnog sa Sorsogon kag Masbate lakipna ang Ticao Island.
Signal number 1 man ang nabilin nga bahin sang Eastern Samar , Northern Samar, Samar, Biliran, Leyte, Southern Leyte, Cebu, Bohol; Negros Oriental; Negros Occidental; Guimaras, Iloilo kag Capiz.
Lakip man ang Surigao del Norte; Surigao del Sur; Agusan del Sur; kag Agusan del Norte .
Makabatyag man sang mabaskog nga pag-ulan kag hangin sa mga nasambit nga mga lugar.
Posible mag-landfall sa Eastern Samar, Leyte ukon Dinagat Island sang gabi karon, Nobyembre 3 ukon buwas sa Aga, Nobyembre 4.
Ginapapreparar na sang PAGASA ang mga emergency offices sang nasambit nga mga lugar bangud sa mga pag-ulan tuga sang amo nga bagyo.
