ILOILO CITY –
Isa ka balay ang totally damaged samtang isa ka balay kag isa ka tyangge ang partially damaged sa nag-agi nga buhawi sa Brgy. Tagsing, Sta. Barbara, Iloilo.
Sa interview sang Bombo Radyo Iloilo kaY Dr. Jerry Bionat, head sang Provincial Disaster Risk Reduction and Management Office (PDRRMO), iya ginpahayag nga wala sang tawo nga napatay ukon nahalitan sa pag-agi sang buhawi magluwas lang sang naguba nga mga istruktura.
Dugang pa ni Bionat, nakahatag na sang food packs ang local government unit sang Sta. Barbara, Iloilo.
Samtang, padayon man nga gian-verify sang provincial government ang information nga may nag ulan sang ice sa isa ka barangay sa amo nga banwa.
