ILOILO CITY – Indi makatulog kag nagakahangawa sang ila seguridad ang pila ka pumuluyo sa Deca Homes Subdivision sa Pavia Iloilo bangud sang ginapahayag kinawatay nga nagakatabo.
Sa interview sang Bombo Radyo sa tagreklamo nga si Mikel Peregrino, iya ginpahayag nga sa ila sa area sa Phase 1, tatlo ka balay ang ginsulod sang kawatan kahapon sang udto, Nobyembre 13.
May yara pa sang iban nga phases suno sa natungdan nga may kaangay man nga report.
Suno kay Peregrino, wala siya sa iya nga balay sang natabo ang insidente.
Pagpauli niya, nakit-an nga naubos ukay ang ila mga gamit sa sulod sang balay kag naguba pa ang jalousie window bangud ginpangkakas ang parallel glass kag didto nag-agi ang ginaalegar nga kawatan sang nagpalagyo ini.
Ginpahayag pa sang natungdan nga nagbilin pa ang ginapatihan nga kawatan sang iya higko sa kasilyas.
Sa subong, napalab-ot na ang report sa gwardiya sang subdivision kag sa kapulisan kag nagapadayon naman ang imbestigasyon.
