πππ₯π’, πππ’πππ’ πππ§π¬ β Ginbaha ang pila ka mga barangay sa Distrito sang Jaro matapos nga nagbubo ang mabaskog nga ulan sa Iloilo City subong nga adlaw.
Sa interview sang Bombo Radyo kay Caroline Cabasa, residente sang Land Heights sa Brgy. Balabago, Jaro, Iloilo City, iya ginpahayag nga may yara sang drainage, apang naga-awas sa gihapon ang tubig, rason nga madasig nga nagabaha sa lugar.
Suno kay Cabasa, kun nagabaha, tuman sila nga naapektohan bangud indi sila gilayon nga makasulod sa ila panimalay.
Ginpahayag man sini nga nagasulod man ang tubig-baha sa mga puluy-an, rason nga napilitan ang pila ka mga residente nga magpataas sang flooring sang ila nga panimalay.
Nagalab-ot naman sa tuhod ang kataason sang baha ilabi na kun sunod-sunod ang pagbubo sang mabaskog nga ulan.
