𝗜𝗟𝗢𝗜𝗟𝗢 𝗖𝗜𝗧𝗬 — Nagpatigayon na sang clean up drive ang pila ka mga barangay sa Iloilo City agud nga mabato-an ang makamamatay nga dengue virus.
Sa interview sang Bombo Radyo kay Punong Barangay Lilibeth Eduardo sang Brgy. Burgos Mabini, Lapaz, Iloilo City, iya ginpahayag nga kada Sabado nga adlaw, nagapatuman ang ila barangay sang clean up drive agud matapna nga mapugaran sang mga lamok ang ila lugar.
Suno kay Eduardo, personal nila nga ginalibot ang tagsa ka mga hulot sang ila lugar nga posible pugaran sang mga lamok kag ginalimpyohan.
Ginpahayag man sini nga naka-schedule na ang ila barangay agud nga magpatuman sang ‘misting’ agud man nga mapatay ang mga lamok nga may dala nga dengue virus.
Padayon man nila nga gina-edukar ang mga puumuluyo sa importansya sang pagpanglimpyo ilabi na sa ila ugsaran agud indi na makadugang pa sa nagasaka nga kaso sang dengue virus sa syudad.
Dako naman nga pagpahangkat sa ila ang dalagko nga puno kag kanal bangud masami ini nga ginapangitlogan sang mga lamok.
