ILOILO CITY – Wala pa sa gihapon nakapasa ang pila ka mga barangay sa syudad sang Iloilo sang accomplishment report sa Department of the Interior and Local Government (DILG) may kaangtanan sa ginapatuman nga Road Clearing Operations.
Sa interview sang Bombo Radyo kay DILG Iloilo City director Roy Defiño, iya ginapahayag nga Disyembre 11, 2020 pa ang ginhatag nga deadline sa mga opisyal sang kada barangay.
Apang suno kay Defiño, sa 180 ka mga barangay sa syudad, 115 pa lamang ang nakapasa sang nasambit nga report.
Suno kay Defiño, padayon nila nga ginapanawagan ang mga barangay nga magpasa apisar lapaw na sa deadline.
Pahayag sang natungdan, ang mga indi pa gid magpasa ang hatagan sang sanction bangud neglect of duty ini nga makabig.
Administrative case man suno sa natungdan ang mahimo ipasaka sa mga barangay nga wala gid may ipasa nga accomplishment report.
