Ginalantaw ni Iloilo 2nd District Board Member June Mondejar nga mangin masubo subong nga Disyembre ang pila ka mga Barangay Tanod sa probinsya bangud indi makabaton sang cash incentives apisar nga may pondo man nga ginpain ang Provincial Government para sa ila.
Si Mondejar amo ang author sang Provincial Ordinance 2020-240 ang ordinansa nga nagahatag sang benepisyo kag incentives sa mga Barangay Tanod.
Sa interview sang Bombo Radyo kay Board Member Mondejar, iya ginpahayag nga may yara pa sang 24 ka mga local government units ang wala pa makakuha sang incentives sa ila mga tanod sa diin 19 diri ang nagahikot na sang requirements kag lima pa ang wala gid nakapasa sang requirements agud makuha ang incentives sang ila mga tanod nga sa pagkamatuod Disyembre 2023 pa ini kuntani.
Ang lima ka mga LGUs suno sa iya nga wala gid makapasa sang requirements sang ila Barangay Tanod amo ang Guimbal, Passi City, Leganes, San Miguel kag Pototan.
P1,000 ang cash incentive nga nabaton kag mabaton pa sang mga barangay tanod para sa Disyembre 2023 samtang subong nga 2024, gindugangan ini sang P1,000 — buot silingon, P2,000 ang makuha sang mga barangay tanod sa mga LGUs nga naka-process na sang ila requirements para sa Disyembre 2024 nga incentive.
