Naghingagaw ang pila ka bumalakal nga magbakal sang palupok sa C1 Road, Arevalo, Iloilo City duha ka adlaw antes ang bag-ong tuig.
Sa interview sang Bombo Radyo kay Niel Estoleros, bumalakal, iya ginpahayag nga nagbakal siya sang kwetis nga pulo ka bilog, samtang nagbakal man ini sang pasirit para sa mga kabataan.
Suno kay Estoleros, sang nagligad nga tuig wala siya nakabakal kag subong lang naka-tsansa nga magbakal agud madala sini pauli sa banwa sang Igbaras.
Ginpahayag man sini nga para sa iya, bisan wala sang palupok, bastante tubtob nga may pagkaon ukon handa nga pagatiponan sa pagsug-alaw sang bag-ong tuig.
Mas ginpili man ni Estoleros nga magbakal sang kwitis bangud mas safe ini kag nagalupok sa kahanginan.
