Nahangpan sang pila ka mga commuters ang pagpatuman sang fare hike sa mga fiber boats nga may ruta Guimaras-Iloilo vice versa.
Nahibaluan nga nagpatuman sang fare hike ang mga fiber boats nga may ruta Guimaras-Iloilo vice versa, kun sa diin halin sa P30 sa regular nga pasahero, nagsaka sa P40 kag P32 naman sa may diskwento.
Sa interview sang Bombo Radyo kay Ces Dion Martinez, isa ka college estudyante sa siyudad sang Iloilo, iya ginpahayag nga apisar mabug-at sa iya ang amo nga pagtaas sang pamasahe, nahangpan gid sini ang amo nga sitwasyon bangud sa mataas nga presyo sang gatong.
Paathag niya nga naluoy man ini sa mga operators sang amo nga sakayan, bangud kaangay nila, mas nagaatos ang mga ini sa ginapangatubang sang pungsod nga krisis sa gatong.
