𝗜𝗟𝗢𝗜𝗟𝗢 𝗖𝗜𝗧𝗬 —Liwat nagpahanumdom ang pila ka doktor sa publiko nga magpatuman sang primary intervention agud nga malikawan nga pugaran sang lamok ang tagsa ka ugsaran.
Ini kasunod man sang padayon nga pagsaka sang kaso sang dengue sa Iloilo.
Sa interview sang Bombo Radyo kay Dr. Philip Ian Padilla, Assitant to the Director sang Philippine Genome Center in Diliman, iya ginpahayag nga dapat wala sang stagnant water ang mga ugsaran agud nga ini mangin breeding ground sang lamok.
Suno kay Padilla, mas gina-prefer sang lamok nga magpangitlog sa mas matinlo nga tubig, baliskad sa mga ginapahayag nga nagadamo sila sa mahigko nga tubig.
Ginpahayag man sini nga paborito gid sang mga lamok nga itlogan amo ang fresh rain water ukon tubig-ulan.
Gintumod man sang natungdan nga sekyaron gid ang mga basura sa palibot nga makakolekta sang tubig agud nga indi na indi pagpangitlogan sang lamok.
Lakip na diri ang mga bukas nga lata, royda, kag mga flower vase.
