Mangin available ang pila ka mga pulungkuan para sa mga empleyado sang Iloilo Provincial Capitol sa performance Area #2 sa bahin sang Corner Huervana-Luna St. sa Lapaz para sa Kasadyahan sa Kabanwahanan 2026.
Suno kay Atty. Renee Valencia, iya ginpahayag nga pagahatagan ang kada Department head sang tig-pulo ka mga tickets, apang magadepende ini sa ila kun sin-o sa ila nga mga staff ang ila nga pagahatagan.
Nahibaluan nga indi man mahatagan ang tanan nga mga empleyado bangud yara sa lima ka libo ang numero sang staff sang Iloilo Provincial Capitol.
Sa pihak naman nga bahin, may ara sang nakapain nga 400 free tickets para sa mga supporters sang walo ka mga competing festivals para sa Kasadyahan sa Kabanwahanan 2026 sa Iloilo Sports Complex.
Ini matapos nga ginpahayag ni Gov. Arthur Defensor Jr., nga luyag nya nga mangin priority ang mga Local Government Units nga nagpasakop sa Kasadyahan.
