ILOILO CITY – Naga-agunto ang pila ka mga estudyante sa syudad sang Iloilo bangud sang kabudlay sa pagsakay sa mga public utility vehicles.
Sa interview sang Bombo Radyo kay Rethea Jhanna Gealon, estudyante sa isa ka unibersidad sa Iloilo City Proper kag nagapauli sa Tigbauan, Iloilo, iya ginpahayag nga masobra na sa isa ka oras ang ila pagbantay sang masakyan, apang kalabanan sa nagalabay ang buta na sang pasahero.
Suno sa iya, adlaw-adlaw nga gina-antos nila ang kaangay nga sitwasyon ilabi na kun magpauli sa hapon.
Magluwas sa iya, may mga upod siya nga estudyante nga nagapauli pa sa Miag-ao kag San Joaquin.
Nagalaum naman ini nga matalupangdan sang gobyerno ang ila nga problema.
