Indi mag-sugot ang pila ka mga fish vendor sa LaPaz Public Market nga magpakuha sang swab sample para sa COVID-19 testing.
Sa interview sang Bombo Radyo kay Jacob Hormillosa, iya ginpahayag nga wala siya nag pa-idalom sa reverse transcription polymerase chain reaction (RT-PCR) test bangud mahimo nga magutman sila sang iya pamilya tungod nga kinahanglan ang 14-day quarantine.
Nahibaluan nga bwas, Agosto 22, buksan na ang LaPaz Public Market matapos ang ginpatigayon nga disinfection.
Nagapanindugan naman si Eric San Agustin, officer-in-charge sa nasambit nga merkado nga ang mga nakapaidalom lang sa swab test nga nag negatibo na ang resulta ang mahimo makabalik kag makabaligya.
Suno kay Agustin, amat-amat lang ang pagpa-swab test para sa COVID-19 sa mga manugbaligya sa merkado sa diin ang gin-una lamang amo ang yara sa Fish section.
