Nag-untat na lang sa pagbyahe ang pila ka mga jeepney driver sa syudad sang Iloilo bangud sa asud-asud nga pagsaka sang presyo sang produktong petrolyo.
Sa interview sang Bombo Radyo sa Jeepney driver nga si Bernabe Villaniza, iya ginpahayag nga lima na ka kilala niya nga jeepney driver ang nag-untat na sa pagbyahe bangud masyado na kasakit ang pagsaka sang presyo sang gatong.
Suno kay Villaniza, halos nagakadto na lang sa gatong ang ila nga kita.
Panawagan sang natungdan sang gobyerno, kuntani aktuhan na ang wala untat nga pagsaka sang presyo sang gatong ilabi na subong sa tunga sang pandemya kun sa diin nagsarurot man ang income sang jeepney drivers.
