Naglab-ot na sa 60.78% nga mga benepisyaryo sa Iloilo City kag Iloilo Province ang nakabaton sang cash aid sa idalom sang Assistance to Individuals in Crisis Situation (AICS) sang Department of Social Welfare and Development (DSWD).
Sa interview sang Bombo Radyo kay May Castillo, Spokesperson sang DSWD Region 6, iya ginpahayag nga 492,849 ka pamilya sa Iloilo ang nahatagan na sang cash aid.
Suno kay Castillo, masobra P1.6 billion na ang pondo nga napaguwa sang ahensya.
May yara naman sang mga kabanwahanan sa probinsya sang Iloilo ang nagpadala sang request sa DSWD para sa extension sang distribusyon sang cash aid.
Sa subong, nahulat na lang ang approval halin sa DSWD central office.
