ILOILO CITY – Nagbalik na ang elektrisidad sa pila ka mga lugar sa syudad sang Iloilo.
Ini matapos nga naeksperyensyahan ang total blackout sa Western Visayas sa sulod sang duha ka adlaw.
Sa interview sang Bombo Radyo kay Engr. Bernand Bailey Del Castillo, Senior Asst. Vice President of Network Operations sang More Electric and Power Corporation, iya ginpahayag nga ang pag-restore sang power ang bangud sa available load halin sa National Grid Corporation of the Philippines agud mahatagan sang prayoridad ang mga ospital kag vital institutions.
Suno kay del Castillo, ang mga lugar nga nalakip sa restoration sang power amo ang La Paz Feeders 5, 2, kag 4; City Proper Feeder 3, Molo Feeder 2; Megaworld Feeder 5 kag 1.
Samtang, nakahanda naman ang More Electric and Power Corporation nga magbaton sang supply sang elektrisidad sa ano man nga oras.
