Nadugangan pa ang numero sang mga lugar nga ginbatak sa Tropical Cyclone wind Signal number 1 bangud sa bagyo Wilma.
Suno sa Philippine Atmospheric, Geophysical and Astronomical Services Administration (PAGASA) nga nagapadayon ni Wilma ang kabaskugon sini samtang padulong sa southern nga bahin sang pungsod.
Nasiplatan ang sentro sang bagyo sa may 480 kilometers nasidlangan nga bahin sang Eastern Borongan City, Eastern Samar.
May dala ini sang kabaskugon nga hangin nga 45km/h kag pagmadlos sang tubtob 55km/h.
Ang mga lugar nga yara sa signal number 1 ang ginalakipan sang Masbate, Northern Samar, Eastern Samar, Samar, Biliran, Leyte, Southern Leyte; Daanbantayan, Medellin, City of Bogo, San Remigio, Tabogon, Borbon, Tabuelan, Tuburan, Sogod, Catmon, Asturias, Carmen, Danao City, Balamban, Compostela, Liloan, Consolacion, Cebu City, Mandaue City, Cordova, Lapu-Lapu City, Toledo City, Pinamungahan, San Fernando, City of Naga, Minglanilla, City of Talisay, Aloguinsan, City of Carcar, Sibonga, Barili sa Cebu lakip na ang Bantayan kag Camotes Islands; Bohol; Sagay City, City of Escalante, Toboso, Calatrava sa Negros Occidental; Surigao del Norte lakip ang Siargao kag Bucas Grande Islands; Dinagat Islands; Carrascal, Cantilan, Madrid, Carmen sa Surigao del Sur; Kitcharao, Jabonga, Santiago, Tubay, City of Cabadbaran sa Agusan del Norte.
Lauman nga maga-landfall ang bagyo sa Eastern Visayas ukon sa Dinagat Islands sa gab-i sang Biyernes, Disyembre 5 ukon Sabado sang aga, Disyembre 6.
Sa adlaw naman sang Domingo ukon Lunes sang aga, magalibot ang bagyo sa Sulu Sea kag magaagi sa northern Palawan.
