Ginhangkat sang pila ka mga mamalidha ang Presidential Anti-Corruption Commission (PACC) nga isapubliko ang mga pangalan sang 12 ka mga incumbent nga mga congressmen nga ginaalegar nagabaton sang kickbacks gikan sa public works projects sang gobyerno.
Una na nga ginapahayag ni PACC commissioner Greco Belgica nga ang pila ka mga kongresista ang ginaalegar nagabulsa sang lima tubtob 15 ka porsiento sang pondo para sa infrastructure projects sang gobyerno.
Suno kay AKO BICOL Party-list Rep. Alfredo Garbin, agud nga mangin patas man sa Kongreso, nagakadapat nga hingadlan sang Presidential Anti-Corruption Commission ang mga mamalidha nga naangot sa corruption activities sang mga pila ka mga opisyal sang Department of Public Works and Highways.
Nagakadapat man pahayag ni Garbin nga may yara sang ebidensya nga ipakita ang ahensya agud nga mapasaka gilayon ang kaso.
Samtang ginpaandaman naman ni Anakalusugan Party-list Rep. Mike Defensor ang Presidential Anti-Corruption Commission nga kun indi man lang ini makapakita sang ebidensya sa ila mga alegasyon, mas maayo pa nga hipuson na lang sang mga ini ang ila nga baba.
