ILOILO CITY — Nagapanawagan ang pila ka mga mamumugon sa probinsya sang Iloilo sa gobyerno nga untaton na ang nagapadayon nga importasyon sa pungsod Pilipinas.
Sa interview sang Bombo Radyo kay Jose Jutada sang Bukludan ng Progresibong Mambubukid sa Pilipinas, iya ginpahayag nga isa ka rason ang importasyon kun nga tuman ka barato ang presyo sang humay kun baklon halin sa mga mamumugon.
Suno kay Jutada, dapat nga tutokan na lang sang gobyerno ang palangabuhian sang mga mangunguma kag ang sektor sang agrikultura agud nga mapasangkad ang lokal nga produksyon sang pungsod.
Gin-athag man ni Jutada nga kinahanglan man nga i-develop ang kapasidad sang pungsod nga ma-produce sang domestic needs agud matapos na ang importasyon.
Ginpakamalaut man sang natungdan ang P480 nga minimum wage sang mga mamugon sa Pilipinas bangud nagapabilin nga perde sila bangud man sa mataas nga presyo sang balaklon sa merkado.
