Magapadulong sa Iloilo City ang pila ka mga matag-as nga opisyal sang gobyerno sa national kag local agud nga magtambong sang Dinagyang Festival 2025.
Sa interview sang Bombo Radyo Iloilo City Mayor Jerry Treñas, iya ginpahayag nga lakip sa mga magapadulong sa syudad amo sanday Makati City Mayor Abby Binay, Former Senator Franklin Drilon, Deputy Speaker of the House of Representatives Camille Villar, Former Senator Bam Aquino, kag iban pa.
Suno kay Treñas, madamo pa sang mga Local Government Units ang nagahayo sa iya nga magapadulong sa syudad agud nga maglantaw sang pinasahi nga Dinagyang Festival.
Gin-thag man sini nga indi sini masigurado kon magatambong si President Ferdinand Marcos Jr. kag First Lady Liza Marcos.
Handa naman ang alcalde nga maghatag sang mikropono sa matag-as nga opisyal agud nga makahambal sa publiko apang siguraduhon man sini nga malip-ot lang.
Ginpasigurado man sang natungdan nga imbitado si Iloilo City Lone District Representative Julinne “Jamjam” Baronda sa kahiwatan.
