Nagalaum ang pila ka mga na-stranded sa Iloilo City nga makabyahe liwat pauli sa Guimaras kag Negros Occidental.
Sila ang na-stranded kag yara subong sa Jalandoni Elementary School bangud man sa malain nga tyempo nga dala ni Bagyo Kristine.
Sa interview sang Bombo Radyo kay Susan Baliog, isa sa mga stranded, iya ginpahayag nga may pila sa mga kaupod nila nga nagakulang sa banig kag mga comforters.
Suno kay Baliog, nakabaton naman sila sang mga food packs kag pagkaon para sa pang adlaw-adlaw samtang temporaryo nga yara sa evacuation center.
Nahibaluan nga pauli kontani ang natungdan sa Guimaras matapos ang iya training, apang wala na nakaabot byahe.
