ILOILO CITY – May yara sang paghulag sa mga opisyal sa 3rd Infantry Division sang Philippine Army kasunod sang promotion kag retirement sang pila sa ila.
Sa interview sang Bombo Radyo kay Liuetenant General Benedict Arevalo, commander sang Armed Forces of the Philippines- Visayas kag commander man sang 3rd Infantry Division, iya ginpahayag nga kahapon, si Brigadier General Marion Sison ang nagpungko na bilang Assistant Division Commander.
Samtang nga wala pa sang may mabulos bilang brigade commander sang 301st Infantry Brigade, kaptan anay ini ni Sison.
Si Colonel Orlando Edralin ang natalana nga magpungko man bilang brigade commander sang 303rd Infantry Brigade sa Enero 31.
Samtang, si Arevalo naman ang nagakapot man sang duha ka position samtang nga ginahulat ang pangalan sang mabulos sa iya bilang commander sang 3rd Infantry Division.
Ang mga pangalan nga nagagwa nga magabulos sa iya amo si Sison kag si Brigadier General Leonardo Peña, commander sang 302nd Infantry Brigade.
Sanday Sison kag Peña ang kwalipikado sa amo nga position suno kay Arevalo.
Apang, may yara pa sang posible iban nga ginapili-an nga indi niya kilala.
